नागेन्द्रहाराय त्रिलोचनाय –
भस्माड़गरागाय महेश्वराय ।
नित्याय शुद्धाय दिगम्बराय –
तस्मै नकाराय नमः शिवाय ।।
मन्दाकिनी सलिल चन्दन चर्चिताय –
नन्दीश्वर प्रमथनाथ महेश्वराय ।
मन्दारपुष्पबहूपुष्पसुपूजिताय –
तस्मै मकाराय नमः शिवाय ।।
शिवाय गौरीवदनाब्जबाल –
सूर्याय दक्षाध्वरनाशकाय ।
श्रीनीलकण्ठाय वृषध्वजाय –
तस्मै शिकाराय नमः शिवाय ।।
वसिष्ठकुम्भोद्भवगौतमार्य
मुनीन्द्रदेवार्चितशेखराय ।
चन्दार्कवैश्वानरलोचनाय -
तस्मै वकाराय नमः शिवाय ।।
यज्ञस्वरूपाय जटाधाराय –
पिनाकहस्ताय सनातनाय ।।
दिव्याय देवाय दिगम्बराय -
तस्मै यकाराय नमः शिवाय ।।
पञ्चाक्षरमिदं पुण्यं यः पठेच्छिवसंनिधौ ।
शिवलोकमवाप्नोति शिवेन सह मोदते ।।
No comments:
Post a Comment