आधारभूते चाधये धृतिरुपे धुरन्धरे ।
ध्रुवे ध्रुव पदे धीरे जगद्धात्रि नमोऽस्तु ते ।।
शवाकारे शक्तिरुपे शक्तिस्थे शक्तिविग्रहे ।
शाक्ताचारप्रिये देवी जगद्धात्रि नमोऽस्तु ते ।।
सूक्ष्मातिसूक्ष्मरुपे च प्राणापानादिरुपणि ।
भावाभावस्वरुपे च जगद्धात्रि नमोऽस्तु ते ।।
कालादिरुपे कालेशे कालाकालविभेदिनि ।
सर्वस्वरुपे सर्वज्ञे जगद्धात्रि नमोऽस्तु ते ।।
महाविघ्ने महोत्साहे महामाये वरप्रदे ।
प्रपञ्चसारे साध्वीशे जगद्धात्रि नमोऽस्तु ते ।।
अगम्ये जगतामाद्ये माहेश्वरि वराङ्गने ।
अशेषरुपे रुपस्थे जगद्धात्रि नमोऽस्तु ते ।।
द्विसप्तकोटिमंत्राणां शक्तिरुपे सनातनि ।
सर्वशक्तिस्वरुपे च जगद्धात्रि नमोऽस्तु ते ।।
तीर्थयज्ञतपोदानयोगसारे जगन्मयि ।
त्वमेव सर्व सर्वस्थे जगद्धात्रि नमोऽस्तु ते ।।
दयारुपे दयादृष्टे दयाद्रे दुःखमोचनि ।
सर्वापत्तारिके दुर्गे जगद्धात्रि नमोऽस्तु ते ।।
अगम्यधामधामस्थे महायोगीसह्रत्पुरे ।
अमेयभावकूटस्थे जगद्धात्रि नमोऽस्तु ते ।।
No comments:
Post a Comment