शिवाष्टकम् -(श्री शंकराचार्य कृतम)

तस्मै नमः परमकारणकारणाय –

दीप्तोज्जलितपिंगललोचनाय ।

नागेन्द्रहारकृतकुण्डलभूषणाय –

ब्रह्मेन्द्रविष्णु वरदाय नमः शिवाय ।।

श्रीमत्प्रसन्नशशिपन्नगभूषणाय –

शैलेन्द्रजा वदन चुम्बितलोचनाय ।

कैलासमन्दिरमहेन्द्रनिकेतनाय –

लोकत्रयार्तिहरणाय नमः शिवाय ।।

पद्य्मावदातमणिकुण्डलगोवृषाय –

कृष्णागरुप्रचुरचन्दन चर्चिताय ।

भस्मानुषक्तविकचोत्पलमल्लिकाय –

नीलाब्जकण्ठसदृशाय नमः शिवाय ।।

लम्बत्सपिंघळ जटामुकटोत्कटाय –

दंष्ट्राकरालविकटोत्कट भैरवाय ।

व्याघ्राजिनाम्बरधराय मनोहराय –

त्रैलोक्यनाथ नमिताय नमः शिवाय ।।

दक्षप्रजापतिमहामखनाशनाय –

क्षिप्रं महात्रिपुरदानव – घातनाय ।

ब्रह्मोर्जितोर्ध्वगकरोटिनिरकृन्तनाय –

योगाय योगनमिताय नमः शिवाय ।।

संसारसृष्टिघटनापरिवर्तनाय –

रक्षः पिशाचगणसिद्धिसमाकुलाय ।

सिद्धोरगग्रह गणेन्द्रनिषेविताय –

शार्दूळ चर्मवसनाय नमः शिवाय ।।

भस्मांगरागकृतरूपमनोहराय –

सौम्यावदातवनमाश्रितमाश्रिताय ।

गौरीकटाक्षनयनार्ध निरीक्षणाय –

गोक्षीरधारधवलाय नमः शिवाय ।।

आदित्यसोमवरूणानिलसेविताय –

यज्ञग्रिहोत्रवरधूम – निकेतनाय ।

ऋक्सामवेदमुनिभिः स्तुतिसंयुताय –

गोपाय गोपनमिताय नमः शिवाय ।।

शिवाष्टकमिदं पुण्यं यः पठेच्छिवसन्निधौ ।

शिवलोकमवाप्नोति शिवेन सह मोदिते ।।