कदाचितकालिन्दीतटविपिनसंगीतकवरो
मुद्रा गोपीनारीवदनकमलात्वादमधुपः ।
रमाशंभुब्रह्मामरपतिगणेशार्चितपदो
जगन्नाथः स्वामी नयनपथगामी भवतु मे ।।
भुजे सव्ये वेणुं शिरसि शिखिपिच्छं कटितटे
दुकूलं नेत्रांते सहचरकटाक्षं विदधत् ।
सदा श्रीमद्वृन्दावनसतिलीलापरिचयो
जगन्नाथः स्वामी नयनपथगामी भवतु मे ।।
महाम्भोधेस्तीरे कनकरुचिरे नीलशिखरे
वसन् प्रसादान्तः सहजबलभद्रेण बलिना ।
सुभद्रामध्यस्थः सकलसुरसेवावसरदो
जगन्नाथः स्वामी नयनपथगामी भवतु मे ।।
कृपापारावारः सजलजलदश्रेणिरुचिरो
रमावाणीसोम स्फुरदमलपद्य्मोद्भवमुखे ।
सुरेन्द्रैराराध्यः श्रुतिगणशिखागीतचरितो
जगन्नाथः स्वामी नयनपथगामी भवतु मे ।।
रथारुढो गच्छन् पथि मिलितभूदेवपटिलैः
स्तुतिप्रादुर्भावं प्रतिपदुमपाकर्ण्य सदयः ।
दयासिन्दुर्बन्धुः सकलजगतां सिन्धुसुतया
जगन्नाथः स्वामी नयनपथगामी भवतु मे ।।
प्रबह्मापीडः कुवलयदलोत्फ्ल्ळनयनो
निवासी नीलाद्रो निहितचरणौऽनन्तशिरसि ।
रसानन्दो राधासरसवपुरालिंड्ग्नसुखो
जगन्नाथः स्वामी नयनपथगामी भवतु मे ।।
न वै प्रार्थ्यं राज्यं न च कनकता भोगविभवे
न याचेऽहं रम्यां निखिलजनकाम्यां वरवधूम् ।
सदा काले काले प्रथमपतिना गीतचरितो
जगन्नाथः स्वामी नयनपथगामी भवतु मे ।।
हर त्वं संसारं द्रुरततरमसारं सुरपते
हर त्वं पापानां विततिमपरां यादवपते ।
अहो दीनानाथं निहितमचलं पातुमनिशं
जगन्नाथः स्वामी नयनपथगामी भवतु मे ।।
जगन्नाथाष्टकम् पुण्यं यः पठेत् प्रयतः शुचिः ।
सर्वपापविशुद्धात्मा विष्णुलोकं स गच्छति ।।
No comments:
Post a Comment