આપણી એ પ્હેલી મુલાકાતને શોધ્યા કરું હું

તારી આંખોમાં ઉભેલી વાતને શોધ્યા કરું હું

ઊંઘ ઉડી ગઈ અમારી ખ્વાબ જોઉં કઈ રીતે હું?

આવી’તી તું ખ્વાબમાં તે રાતને શોધ્યા કરું હું

તું મને દેખાય, મુજ અસ્તીત્વનીયે આરપારે

તું મહીં ખોવાઈ, મારી જાતને શોધ્યા કરું હું

શ્વાસ રાહતનો કદીયે એક પણ આપ્યો નહીં તેં,

ખુબ ભાગ્યા બાદ તો નિરાંતને શોધ્યા કરું હું

પ્રાણના ઉડ્યા પછી ખાલી થયેલા પિંજરામાં

કોઈ પારેવાં તણાં ફફડાટને શોધ્યા કરું હું

હૃદયને ચીરી તમારી યાદને જે વીંધી નાખે

પાર્થના ભાથા મહીં એ બાણને શોધ્યા કરું હું